Руслан Маліноўскі: «Пераход у «Марсель» – крок наперад. Я яшчэ не на піку»
Навічок «Марселя» украінскі футбаліст Руслан Маліноўскі распавёў, чаму абраў менавіта французскі клуб для працягу кар’еры.
«У «Марселя» была самая канкрэтная прапанова, у мяне не было сумневаў. Былі чуткі пра мяне ў Англіі, але ў гэтым пераходзе не было канкрэтыкі. Я мог перайсці сюды яшчэ ў жніўні, таму я шмат сачыў за камандай. Мне вельмі падабаецца, што яны робяць.
У зборнай я гуляў у паўабароне. У Італіі ў мяне была больш атакуючая пазіцыя. Я таксама гуляў пад дзясятым нумарам з двума паўабаронцамі, якія дапамагалі нападаючаму. Я магу гуляць на любой пазіцыі, усё залежыць ад таго, чаго жадае трэнер. Атакуючая пазіцыя – гэта тое, што мне падабаецца больш за ўсё, я люблю атакаваць з глыбіні.
Я добра ведаю галоўнага трэнера «Марселя» Ігара Тудара, заўсёды было цяжка гуляць супраць яго «Вероны». Гэта гульня, якая мне падыходзіць, мне падабаецца гэты дынамічны футбол. Гэта футбол, які я люблю.
Прыезд сюды – гэта вялікі крок наперад у маёй кар’еры, гэта каманда, якая хоча выйграваць трафеі. Мне 29 гадоў, але я яшчэ магу прагрэсаваць, я яшчэ не дасягнуў піка сваёй кар’еры», – сказаў Маліноўскі.
