Льёрыс лічыць, што Мбапэ павінен стаць новым капітанам зборнай Францыі
Былы брамнік зборнай Францыі Уга Льёрыс адказаў на пытанне, хто павінен стаць наступным капітанам нацыянальнай каманды.
«Ёсць адзін гулец, які становіцца ўсё больш уплывовым ва ўсіх аспектах на футбольным полі і ў раздзявальні – гэта Кіліян Мбапэ», – сказаў Льёрыс у інтэрв'ю для Telefoot.
Папярэднім капітанам быў сам Уга. Ён аднаасобны рэкардсмен па колькасці матчаў за Францыю ў статусе капітана – 142 гульні. Пасля завяршэння ЧС-2022 Льорыс абвясціў пра завяршэнне кар'еры ў зборнай.
Галоўны трэнер «Ле Бле» Дзідзье Дэшам пакуль не прыняў рашэнне адносна наступнага капітана. Адным з галоўных прэтэндэнтаў таксама лічыцца Антуан Грызман.
24 сакавіка Францыя будзе прымаць Нідэрланды падчас адбору на Еўра-2024. Праз тры дні французы правядуць выязны матч супраць Ірландыі.