«Тотэнхэм» пасля 1:6 ад «Ньюкасла» можа звольніць Стэліні і часова прызначыць Мэйсана

«Тотэнхэм» пасля паражэння «Ньюкаслу» з лікам 1:6 можа звольніць выконваючага абавязкі галоўнага трэнера каманды Крысціяна Стэліні, прызначанага да завяршэння сезона пасля адстаўкі Антоніа Контэ.

Паводле інфармацыі Evening Standard, асноўным кандыдатам на пасаду 48-гадовага італьянца з'яўляецца яго асістэнт Раян Мэйсан. Ён можа ўзначаліць каманду альбо да завяршэння сезона, альбо да прызначэння новага галоўнага трэнера.

Працяг супрацоўніцтва са Стэліні знаходзіцца пад вялікім сумневам. Ужо 27 красавіка ў матчы супраць «Манчэстэр Юнайтэд» камандай можа кіраваць 31-гадовы Мэйсан.

У лонданскім клубе мяркуюць, што Стэліні ўжо страціў давер футбалістаў пасля чатырох матчаў на чале з ім.

Мэйсан – былы гулец «Тотэнхэма», які ў 26 гадоў завяршыў кар'еру з-за траўмы. Ён ужо трэніраваў каманду – у 7 матчах сезона 2022/21 пасля звальнення Жазэ Маўрынью. Лічыцца, што ён гатовы зноў дапамагчы свайму роднаму клубу.

«Тотэнхэм» працягвае шукаць сталага трэнера. У прыватнасці, каманду можа ўзначаліць Юльян Нагельсман, Луіс Энрыке, Арнэ Слот ці Венсам Компані.