«Ньюкасл» хоча падпісаць Барэлу і даць яму самы вялікі заробак у клубе

«Ньюкасл» спрабуе завяршыць трансфер паўабаронцы «Інтэра» Нікола Барэлы. паведамляе The Telegraph. Патэнцыйны кошт здзелкі ацэньваецца ў 50 мільёнаў еўра.

Паводле інфармацыі крыніцы, «сарокі» вылучылі большую частку свайго трансфернага бюджэту на ўзмацненне лініі паўабароны. Яшчэ адной мэтай «Ньюкасла» лічыцца паўабаронца «Лестэра» Джэймс Мэдзісан.

Адзначаецца, што падпісанне Барэлы зробіць італьянца самым высокааплатным гульцом каманды, а таксама дазволіць выкарыстоўваць бразільца Бруна Гімараэса ў больш высокай пазіцыі.

У гэтым сезоне Барэла згуляў 35 матчаў за «Інтэр» у Серыі А і 12 – у Лізе чэмпіёнаў. Усяго на яго рахунку 9 галоў і 8 асістаў. Поўная статыстыка 26-гадовага італьянскага паўабаронцы – тут.