«Шахцёр» і «Энергетык-БДУ» могуць яшчэ раз пазбавіць ачкоў, калі яны не выплацяць штрафы АБФФ да 30 верасня
КДК АБФФ разгледзеў пытанні выканання рашэнняў камітэта па справе «Шахцёра».
Заяўлена, што на «Шахцёр» можа быць накладзены трансферны бан, калі клуб на працягу 30 дзён у поўным аб'ёме не аплаціць раней прызначаны штраф у памеры (146,6 тысячы долараў). У выпадку нявыплаты да 30 верасня 2023 г. уключна салігарчан могуць зноў пазбавіць ачкоў у ЧБ.
«Энергетыку-БДУ» была прадастаўлена адтэрміноўка па выплаце штрафу ў памеры (29,3 тысячы долараў) да 30 верасня 2023 года ўключна. Да гэтай даты «студэнты» не змогуць ажыццяўляць трансферы. У выпадку нявыплаты ў тэрмін «Энергетык-БДУ» таксама можа пазбавіцца турнірных балаў.
«Белшыне» таксама была прадастаўлена адтэрміноўка ў выплаце штрафу ў памеры (29,3 тысячы долараў) да канца верасня 2023 года. Да канчатковага разліку, калі б ён ні здарыўся, бабруйчане не змогуць ажыццяўляць трансферы.
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
