Дырэктар «Энергетыка-БДУ» Захарчэня пра справу «Шахцёра»: «Настрой нармальны, хаця быў упадніцкі. Мы павінны застацца ў вышэйшай лізе»
Дырэктар «Энергетыка-БДУ» Аляксандр Захарчэня выказаўся аб справе «Шахцёра».
– Аляксандр Фёдаравіч, як на вас адбілася ўся гэтая сітуацыя са зняццем балаў, пазбаўленнем права выступаць у еўракубках?
– Вядома, у пэўным сэнсе я быў шакаваны. Былі зроблены пэўныя высновы да вынясення ўсіх рашэнняў. Дзякуй Богу, што ўжо ўціхамірылася, супакоілася ў душы і на сэрцы. Наша справа – гуляць, выступаць, паказваць тое, што мы і робім. У першую чаргу рыхтаваць футбалістаў не толькі для сваёй краіны, але і для замежных клубаў.
– Вы напэўна размаўлялі з хлопцамі пасля сітуацыі, якая склалася. У чым цяпер заключаецца стратэгія «Энергетыка»? Які настрой усярэдзіне калектыва?
– Настрой нармальны, адразу крыху быў упадніцкі. Рабяты разумеюць, што я спрабаваў абараніць іх гонар. Мяркую, што гэта і зрабіў. Прынамсі, хаця б у нашым калектыве яны бачаць, што я стаю за іх гарой і буду стаяць. Мы мусім застацца ў вышэйшай лізе і паказаць, што ўмеем гуляць. Кожны матч для нас як фінал. Абсалютна ўсё роўна, хто ў суперніках, – сказаў Захарчэня.
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы.
Падрабязней пра справу «Шахцёра» можна даведацца па спасылцы ніжэй.
