Мікалай Хадасевіч: «Зборнай Беларусі трэба знайсці не класічнага трэнера, а менеджара, як гэта было са Штанге. Каб ён падпальваў цікавасць да каманды»
Журналіст Мікалай Хадасевіч на сваім YouTube-канале «Hodasevich-LIVE» пракаментаваў адстаўку Георгія Кандрацьева з пасады галоўнага трэнера зборнай Беларусі.
«Мікалай Шарснёў, які ўсё больш бонусаў сабе набірае, як гэта ні дзіўна, так, як мы маглі не чакаць, тым не менш, паступова з гаспадаркай разбіраецца. Ён быў у Венгрыі, і, магчыма, ён убачыў якраз тое, пра што я зараз кажу. Пра тое, што ні на які прарыў, ні на які рывок увогуле ніхто не настройваецца, якая б там атмасфера ў калектыве ні была. Ну, хлопцы гуляюць, ім, вядома, трэба будаваць сваю будучыню, а вось трэнерскі штаб ён задаволены тым, што ёсць.
І, вядома, у гэтай сітуацыі проста трэба хаця б спрабаваць, раптам нешта атрымаецца, таму што горш проста ўжо быць не можа. І спрабаваць трэба, перш за ўсё, мяняць трэнерскі штаб. Гэта мая толькі здагадка. Вось дык вось, ментальна, ускалыхнуць, пераўтварыць. А, у рэшце рэшт, можа быць, знайсці, паколькі зараз фігуруе замежнік на пасаду галоўнага трэнера.
Знайсці не трэнера класічнага, а знайсці менеджара, які прыйдзе з ідэямі, які можа быць раскажа, які, можа быць, у рэшце рэшт падпаліць, так, як гэта было з Берндам Штангэ, як бы яго не крытыкавалі. Ён быў менеджарам, ён, перш за ўсё, падпальваў, ладзячы фотасесіі для гульцоў зборнай Беларусі, ездзячы па ўсёй краіне, выклікаючы Філіпа Рудзіка з «Нафтана», ставячы Чухлея на месца крайняга абаронцы, пасля чаго каманда прайгравала, тым не менш, гэта цікавасць. А зборнай Беларусі [неабходны] гэты інтарэс, які ўжо даўно згас і які даўно страчаны.
Так што шкада, што няма каментарыяў з АБФФ. Мне хацелася б усё ж паглядзець, што ж адкажа Мікалай Шарснёў, чаму гэтая адстаўка адбылася. Пакуль што цішыня. Мне хацелася б даведацца, па якіх параметрах. Я пакуль што дадумваю, мы якраз за гэтым тут і збіраемся. Але, тым не менш, нейкі афіцыйны адказ, чаму гэта адбылося і што канкрэтна не задаволіла, гэта, канечне, вельмі важна для таго, каб дасканала разабрацца ў сітуацыі.
Ну а Георгій Кандрацьеў сыходзіць нібы без крыўд. Адыходзіць з шокам, што для яго гэта стала нечаканасцю. Ну, калі ты, яшчэ раз паўтаруся, калі ты два гады не можаш дабіцца перамогі, ты ў любы момант можаш быць звольнены. Але тое, што зараз, ну так, вядома, шок. Гэта, увогуле, такая нетрывіяльная сітуацыя. Але, ведаеце, я думаю, што так для ўсіх будзе лепей. Таму што свежае паветра, свежае дыханне, свежы погляд на тое, што адбываецца прама цяпер у гэтых абставінах у беларускім футболе, гэтаму беларускаму футболу патрэбнае, калі б хоць вось крыху ўявіць, што ён не памёр канчаткова», – сказаў Хадасевіч.
