Вінісіус пра апраўданне Мендзі: «Колькі яшчэ будуць нас вінаваціць і асуджаць, не даючы права на элементарную абарону?»

Вінгер «Рэала» Вінісіус Жуніяр пракаментаваў апраўданне судом прысяжных Бенжамена Мендзі па ўсіх справах пра згвалтаванне.

«Мне шкада, што табе прыйшлося прайсці праз усё гэта, Бенжамен. Ты страціў два гады сваёй кар'еры, але гэта самае малое з бедстваў ва ўсёй гэтай гісторыі... Што наконт псіхалагічнай шкоды? Канешне, тваё жыццё ўжо ніколі не будзе ранейшым. Яшчэ адна ахвяра культуры – знішчэнне рэпутацыі.

Колькі яшчэ будуць вінаваціць і асуджаць, не даючы права на элементарную абарону? Фэйкавыя навіны ствараюцца і распаўсюджваюцца без праверкі – і я асабіста адчуў гэта на сабе падчас адпачынку, – а затым сітуацыя толькі пагаршаецца.

Несці адказнасць – гэта мінімум для любога прафесіянала, але сёння сур'ёзная праца стала хутчэй выключэннем. Для павышэння колькасці клікаў і ахопаў няма ніякіх абмежаванняў.

Пытанне: што будзе зроблена для пакрыцця шкоды? – напісаў Вінісіус ў сваім Twitter.