Ягор Філіпенка: «Андрэя Капскага з бацькам нават нельга параўнаць. На яго клуб зваліўся, а Анатоль Анатольевіч ішоў з самага нізу»

Былы абаронца БАТЭ Ягор Філіпенка параўнаў кіраўнікоў БАТЭ Андрэя і Анатоля Капскага.

– Раскажы пра розніцу паміж татам Капскім і сынам. Ты адчуў яе?

– Так, ну, пра што мы можам размаўляць. Ну, гэта два розныя, па-першае, чалавекі. Іх нават нельга параўнаць Андрэя з Анатолем Анатольевічам, разумееш? Анатоль Анатольевіч прайшоў вялізны шлях, ішоў з самага нізу, і стаў тым, кім стаў на гэтым шляху, пераадольваючы, умоўна, шмат розных праблем, цяжкасцей, складанасцей.

Андрэю, па сутнасці, клуб проста дастаўся, ну, зваліўся на яго, з-за таго, што не стала Анатоля Анатольевіча. І гэта зусім іншае, разумееш, гэта значыць, ну, і ён малады хлопец. Як вось можна кіраваць вось гэтай машынай. Зразумела, што, мы бачым, дзе, які БАТЭ зараз, што, як бы, ну, па-іншаму, мусіць, магло быць, але, на жаль, так...

– А як ты думаеш, ці зможа калісьці БАТЭ вярнуцца на той узровень, як быў, напрыклад, вось у вас, калі вы абыгрывалі «Баварыю»? Ці, на жаль, варта сказаць пра тое, што БАТЭ, ну, не ўсё, але БАТЭ будзе вельмі цяжка ўвогуле нават у будучыні наблізіцца да таго, што было раней.

– Разумееш, зараз наогул вельмі цяжка на гэтую тэму разважаць, таму што ёсць рэчы, якія ўплываюць на вельмі шмат у беларускім футболе. Якія ты не можаш прадказаць і паўплываць на іх, гэта значыць, разумееш. У цяперашніх рэаліях, якія вось зараз у нашым футболе, не будзе таго БАТЭ. Ні БАТЭ, ні каго іншага, як мне здаецца. Вось, калі ўсё будзе заставацца так, як і застаецца, ці ідзе так, як ідзе, – сказаў Філіпенка.