Чэмпіянат Казахстана: галы Барадзіна і Соўпеля не выратавалі «Кайсар» ад паразы «Ардабасы» Сяднёва, гол Бярозкіна за «Кызыл-Жар» зрабіў унёсак у нічыю з «Шахцёрам»
12-13 жніўня прайшлі матчы 19-га тура чэмпіянату Казахстана.
12 жніўня
«Акжэтпес» абыграў «Жэтысу» Паўла Назаранкі (2:1). Назаранка выйшаў на поле ў стартавым складзе, на 40-й хвіліне атрымаў жоўтую картку, быў заменены на 65-й хвіліне.
«Атырау» галоўнага трэнера Віталя Жукоўскага і гульцоў Ягора Хаткевіча, Ігара Стасевіча і Мікіты Сцяпанава перамог «Каспій» Максіма Плотнікава і Іллі Чарняка (1:0). Беларусы «Атырау» і Чарняк адгулялі матч цалкам, Плотнікаў не патрапіў у заяўку.
13 жніўня
«Кызыл-Жар» беларусаў Яўгена Бярозкіна, Мікіты Навумава і Рамана Сцяпанава згуляў унічыю з «Шахцёрам» (1:1). Бярозкін вызначыўся голам на 34-й хвіліне, Сцяпанаў адгуляў матч цалкам, Навумаў усю гульню правёў на лаўцы запасных.
«Табол» Паўла Забеліна саступіў «Кайрату» (1:2). Беларус правёў на полі ўсю гульню.
«Аксу» Андрэя Салаўя і Яўгена Зямко і «Актабэ» Дзмітрыя Бяссмертнага згулялі ўнічыю (1:1). Бяссмертны адгуляў матч цалкам, Зямко ўсю гульню правёў на лаўцы запасных, Салавей не патрапіў у заяўку.
«Кайсар» Дзмітрыя Барадзіна і Васіля Соўпеля саступіў «Ардабасы» галоўнага трэнера Аляксандра Сяднёва і Усевалада Садоўскага (2:3). Барадзін і Соўпель адзначыліся галамі на 66-й і 75-й хвілінах адпаведна, Садоўскі ўсю гульню правёў на полі.
Чэмпіянат Казахстана
19-ы тур
12 жніўня
«Акжэтпес» – «Жэтысу» – 2:1
Галы: 1:0 – Малдакараеў (23), 2:0 – Жумат (61), 2:1 – Бакаёка (78).
«Атырау» – «Каспій» – 1:0
Гол: 1:0 – Казлоў (21).
13 жніўня
«Кызыл-Жар» – «Шахцёр» – 1:1
Галы: 0:1 – Свірыдаў (8), 1:1 – Бярозкін (34).
«Кайрат» – «Табол» – 2:1
Галы: 1:0 – Шушаначоў (5), 1:1 – Іліч (12), 2:1 – Швыраў (43).
«Аксу» – «Актабэ» – 1:1
Галы: 0:1 – Н'янгба (36), 1:1 – Караман (57).
«Кайсар» – «Ардабасы» – 2:3
Галы: 0:1 – Малы (14), 0:2 – Макаранка (40), 1:1 – Барадзін (66), 1:3 – Тагыберген (71), 2:3 – Соўпель (75).