Фаны «Атлетыка» асвісталі Фелікса ў матчы з «Гранадай», Жаау правёў гульню ў запасе

Нападаючы «Атлетыка» Жаау Фелікс застаўся ў запасе ў першым афіцыйным матчы мадрыдцаў пасля вяртання з арэнды ў «Чэлсі» і слоў пра жаданне перайсці ў «Барселону».

У 1-м туры Ла Лігі «Атлетыка» прымаў «Гранаду» (3:1). Калі дыктар стадыёна аб'яўляў склад каманд і дайшоў да прозвішча Фелікса – фаны вельмі гучна асвісталі яго і паказвалі сярэднія пальцы ў бок табло, на якім дэманстравалі фатаграфію Жаау.

Таксама ў трансляцыю патрапілі фразы фанатаў, у прыватнасці: «Гэты партугалец – сын шлюхі».

Паколькі Фелікс не выйшаў на поле, асістэнт Дыега Сімеоне паклікаў Жаау і іншых гульцоў запасу правесці кароткі занятак на полі пасля фінальнага свістка. Аднак фаны зноў пачалі свістаць, калі партугалец выйшаў на поле. Трэнер вырашыў забраць футбалістаў у распранальню.

Фелікс у ліпені заявіў у інтэрв'ю, што хацеў бы гуляць за «Барселону». Была інфармацыя, што «Атлетыка» адмовіўся абмяняць у «Барселону» Жаау на Ансу Фаці.