Канстанцiн Рудзянок: «Кавалевіч казаў, што прадасць мяне ў які-небудзь «Кальяры»
Брамнік «Нёмана» Канстанцін Рудзянок узгадаў пра знаёмства з галоўным трэнерам каманды Ігарам Кавалевічам.
– Знакамітае скрыжаванне ў «Нафтане». Я спачатку прыехаў у дубль. Валерый Рымантасавіч Стрыпейкіс тады ўзначальваў каманду. Я трэніраваўся там тры дні, потым мне сказалі, што заўтра ты ідзеш на трэніроўку першай каманды. Там я пазнаёміўся з Ігарам Мікалаевічам.
Напэўна, ён ува мне нешта ўбачыў, сказаў, што ты застаешся з намі, будзеш працаваць з першай камандай. І так я дэбютаваў у вышэйшай лізе. Мы тады абгулялі «Белшыну» (3:0). Гэта быў мой мой адзіны матч за «Нафтан». Нас было трое: Ігар Раманенка, Ігар Даўгяла і я.
Адзін атрымаў траўму, перад матчам захварэў другі. Ігар Мікалаевіч прыйшоў да мяне ў пакой і кажа: «Давай, не валяйся, рыхтуйся да гульні». І ўсё. Я згуляў, мы выйгралі 3:0 і мне Ігар Мікалаевіч кажа: «Давай, зараз будзеш самы сухі брамнік лігі, больш гуляць не будзеш. Мы цябе ў якой-небудзь там «Кальяры» прададзім, – цытуе Рудзянка sport5 са спасылкай на «Обзор тура».
