Руслан Васільеў: «У паражэння зборнай Беларусі ў Тэль-Авіве ёсць канкрэтнае імя і прозвішча – Захар Волкаў»

Супрацоўнік прапагандысцкага Sputnik.by Руслан Васільеў раскрытыкаваў гульню абаронцы зборнай Беларусі Захара Волкава ў матчы з Ізраілем (0:1).

Нагадаем, Волкаў з'яўляецца падпісантам прарэжымнага ліста спартсменаў.

– У нашага паражэння ў Тэль-Авіве ёсць канкрэтнае імя і прозвішча – Захар Волкаў.

Давайце, перагледзім галявы эпізод. Такім чынам, з зоны левага інсайду гаспадары нанеслі непрыемны ўдар нізам у левы ўжо ад Плотнікава кут. Аднак наш галкіпер парыраваў пагрозу, прычым як вучылі – у бок і на нагу партнёру Волкаву. Той мог выбіць мяч за лінію, ці згуляць яшчэ больш тэхнічна і арганічна. На жаль, абаронца толькі недалёка выкаціў мяч за межы штрафной пляцы.

Але Волкаў мог супакоіць ізраільцян і ў другі раз! Пасля вяртання мяча ва ўладанні Плотнікава. На жаль, ізноў пагладжванне замест магутнага стрэлу. У выніку мяч у гаспадароў, удар, рыкашэт – гол.

Звярніце ўвагу, што сам Волкаў адразу зразумеў, хто наварыў беларускай зборнай паражэнне. Інакш, навошта б Захар стаў праз хвіліну зрывацца, пхаючы ні ў чым невінаватага ізраільцяніна ў спіну, што яшчэ прывяло да атрымання жоўтай карткі?

Заднім розумам разумееш: калі хтосьці ў нас і паплыў, дык Волкаў (ён дзіўна рухаўся ў галявым эпізодзе) і значыць Алос павінен быў яго замяніць. Але ці ведаеце, мяняць цэнтрбека – гэта вельмі нетрывіяльны ход пры ліку 0:0. Іншая справа, калі б сам Волкаў звярнуўся да трэнера. Але ён прамаўчаў.

Ні да каго іншага ў мяне няма прэтэнзій, хоць абарона не раз давала збой, а ў атацы ўпускаліся галявыя моманты, – напісаў Васільеў.