Леанарда Маскара Капілевіч: «Не праходзіў нават у моладзевую зборную, а тут адразу прыйшоў выклік у галоўную каманду Беларусі»
Гулец зборнай Беларусі і «Севільі Атлетыка» (Іспанія, Д4) Леанарда Маскара Капілевіч падзяліўся меркаваннем аб выкліку ў нацыянальную каманду.
– Як ацэніш вынікі дэбютнага збору ў нацыянальнай камандзе?
– Я вельмі задаволены. Выдатна сябе адчуваю, рады, што мяне паклікалі ў зборную. У нас сабралася добрая каманда, у ёй шмат маладых ігракоў. Так, вынікі, на жаль, пакідаюць жадаць лепшага, але спадзяюся, мы дасягнем сваіх мэт.
– Не знерваваўся таму, што пакуль не атрымліваецца выйсці на поле?
– Не-не, я ўсё разумею. У 20 гадоў адразу складана патрапіць у склад нацыянальнай каманды, калі нават ні разу не гуляў за моладзевую зборную.
Я ж пераскочыў праз узрост, з каманды U-19. Гэта няпростая задача – адаптавацца ў такіх умовах, таму я нармальна стаўлюся да сітуацыі. Усведамляю, што мне патрэбен час. Трэба чакаць сваіх магчымасцей, каб стаць добрым ігракоў для беларускай каманды.
– Як ты наогул адрэагаваў на выклік у зборную Беларусі?
– Вядома, вельмі здзівіўся. Гэта мякка кажучы – быў у шоку. Бо я не праходзіў нават у моладзевую зборную, а тут адразу прыйшоў выклік у галоўную каманду краіны. Не чакаў, але, зразумела, гэта вельмі прыемна, – сказаў Маскара Капілевіч.
