Экс-суддзя Чыстоў: «Не хацелася лішні раз сутыкацца з надглядамі, але дзеля «Крумкачоў» гатовы быў пацярпець»
Экс-суддзя чэмпіянату Беларусі Сяргей Чыстоў у інтэрв'ю тэлеграм-каналу «О, спорт! Ты – мир!» распавёў пра тое, чаму амаль не хадзіў на футбол у якасці гледача.
– Можа, хацелася схадзіць на які-небудзь матч у якасці гледача?
– Не, гэта выключана. У Беларусі ў якасці гледача я на матчы наогул ніколі не хадзіў, нават на Лігу чэмпіёнаў. Не скажу, што лянота ці мне было нецікава. Проста не хацелася лішні раз сутыкацца з надглядамі на стадыёнах. Калі прыязджаеш у якасці суддзі, то заходзіш на стадыён праз асобны ўваход, табе адчыняюць дзверы, а калі ідзеш на трыбуны, даводзіцца пераадольваць надгляды. А гэта для мяне непрыемна, складана, і гэта забівала жаданне хадзіць на матчы. Адзінае, незадоўга да ад'езду наведваў гульні «Крумкачоў».
– Але там жа таксама былі надгляды.
– «Крумкачы» – іншая гісторыя. Гатовы быў пацярпець надгляды дзеля гэтай каманды, гэтых людзей, гэтага камʼюніці. Фанатам «Крумкачоў» сябе не назаву, але хадзіў на матчы, таму што хацелася купіць білет і тым самым неяк фінансава падтрымаць клуб. Больш за тое, скажу прама: ішоў не як заўзятар, а як плацельшчык. І такім чынам падтрымліваў клуб да канца сезона-2022, – сказаў Чыстоў.
