Анчалоці не хацеў летам вяртаць Браіма Дыяса – яму быў патрэбен гулец іншага прафайла на замену Асэнсіа

Галоўны трэнер «Рэала» Карла Анчалоці летам не хацеў вяртаць з арэнды ў «Мілане» паўабаронцу Браіма Дыяса, паведамляе Relevo.

Коуч хацеў, каб клуб набыў яму гульца іншага прафайла на замену Марка Асэнсіа, які сышоў вольным агентам у «ПСЖ».

Дыяс у выніку атрымлівае мала гульнявой практыкі ў Мадрыдзе – у апошніх 7 матчах правёў усяго 16 хвілін, аднак трапіў у стартавы склад на супрацьстаянне з «Брагам» у групе Лігі чэмпіёнаў.

У мінулым сезоне Браім вызначыўся 7 галамі і 7 асістамі ў 45 матчах за «Мілан». Падрабязная статыстыка – тут.