Валерый Ісаеў: «Калі б у «Гомеля» стаяў вопытны брамнік, а не лімітчык, імавернасць прапусціць першы гол ад «Іслачы» была б меншай»

Агент Валерый Ісаеў выказаўся па тэме лімітаў на маладых гульцоў у беларускім чэмпіянаце.

«Чаму такія прэферэнцыі ў прафесійным спорце, дзе ўжо важны вынік?

Вось гульня «Гомель» – «Іслач», шалёны матч, ён мне вельмі спадабаўся. Там ці то была рука, ці то не было рукі, чырвоныя карткі, гэта эмоцыі. Гульня глядзелася.

Але ў варотах стаяў лімітчык. І я ўпэўнены, што імавернасць прапусціць першы гол, калі б стаяў вопытны брамнік, была б меншая. Пра другі гол не буду сцвярджаць. Я не хачу гэтага хлопца абвінавачваць. Але гэта ненармальна, што большасць клубаў з-за гэтага ліміту такім чынам ставяць брамнікаў і рызыкуюць тым, што імавернасць таго, што футбаліст недасведчаны, асабліва брамнік, дапусціць памылку, вышэй, чым калі б гэта зрабілі дасведчаныя гульцы.

А ў свеце паглядзіце, стаяць брамнікі, колькі ім гадоў? І паглядзіце, колькі гадоў у нас брамнікам. «Дынама-Мінск» – лімітчык, у БАТЭ лімітчык.

Я проста кажу пра прафесійны футбол. Гэта не аматарскі, гэта не масавы. Тут павінны гуляць мацнейшыя. Чаму іх трэба цягнуць за вушы?

Чаму калі Кавалевіч трэніраваў наваполацкі «Нафтан», калі выйграваў кубкі, колькасць футбалістаў да 21 года ў яго значна перавышала колькасць такіх жа аднагодкаў у іншых клубаў. І яны гулялі за гэтую моладзевую зборную. Верхаўцоў, Камароўскі, Рудзік ды яшчэ хлопцы, там цэлы спіс быў. І не было ніякага ліміту», – сказаў Ісаеў.