Трэнер ЧБ: «Трэнеры ў Беларусі жывуць па паняццях: сказаў – адкажаш. Замежнікі знаходзяць словы, каб выкруціцца пры няўдачах»
Трэнер з чэмпіянату Беларусі выказаўся Tribuna.com аб галоўным трэнеры зборнай Карласе Алосе.
– Іспанец кажа, што не ўбачыў у групе супернікаў, якія мацнейшыя за Беларусь. Ці не занадта?
– Гэта ў першую чаргу словы для футбалістаў, каб яны верылі ў сябе, верылі і разумелі, што можна перамагаць любога. У зборных Швейцарыі, Ізраіля і іншых – такія ж людзі, у іх такое ж тулава, галава. Пытанне – як гэтай сітуацыяй скарыстацца, як сябе матываваць. Менавіта гэта Алос і хацеў сказаць: Беларусь не слабейшая за сваіх супернікаў у групе.
– А чаму беларускія трэнеры не карыстаюцца такімі прыёмамі?
– Таму што беларускія трэнеры, на жаль, у большасці сваёй жывуць па паняццях: калі ты сказаў, то потым павінен адказаць. Калі не выканаеш абяцанні, табе гэта ўспомняць. Груба кажучы, ты скажаш, што Беларусь здольная адолець Швейцарыю, а потым – бац! – і ўлятаеш 1:5. І табе скажуць: «А што ты там абяцаў?» Па факце, маюць рацыю. Таму беларусы баяцца прамаўляць гучныя словы. А ў замежнікаў менталітэт крыху іншы, яны больш смелыя, плюс умеюць знайсці словы, каб потым неяк выкруціцца пры няўдачах. Штанге ў свой час умеў растлумачыць паражэнне нават ад аўтсайдэраў, – сказаў трэнер.
Tribuna.com публікуе каментарыі спікераў, якія знаходзяцца ў Беларусі, ананімна для іх бяспекі.
