Галоўны трэнер «Сталі» Шкурына Керэс: «Мы ехалі 11 гадзін на аўтобусе і выйгралі»

Галоўны трэнер «Сталі» Каміль Керэс пракаментаваў перамогу ў матчы супраць «Пагоні» (3:2), у якой беларускі форвард Ілля Шкурын аформіў хет-трык.

«Я паўтару, што казаў пасля гульні з «Легіяй». З нашага пункту гледжання немагчымага не існуе. Мы выйгралі вельмі цяжкі матч. Учора мы ехалі сюды 11 гадзінаў на аўтобусе, супернікі ў цяперашні час знаходзяцца ў вельмі добрай форме. У апошні час мы перамаглі «Легію», але і прайгралі «Ягелоніі». Мы ведалі, што калі мы зробім урокі з гэтага другога матча, мы зможам нешта зрабіць тут.

З пункту гледжання матча гэта было няпроста, бо ў нейкі момант мы прайгравалі 2:1. «Пагонь» моцна пачала, яна хацела напалохаць нас. Яны шмат білі па варотах. Мы ведалі, што ў нас будзе менш магчымасцяў, але хацелі, каб яны былі больш канкрэтнымі. Калі мы вялі 1:0, з боку гэта выглядала так, быццам мы крыху страцілі ўпэўненасць. Нашае валоданне мячом было вельмі маленькім. Тады «Пагонь» забіла 2 галы. На шчасце, канцоўка першага тайма была годнай. Пасля перапынку мы гулялі больш рашуча. Некалькі разоў нам шанцавала, і «Пагонь» ужо не адчувала сябе такой упэўненай. Мы забілі гол са стандарту, чаго ў нас не атрымлівалася некаторы час.

Тры ачкі ў Шчэціне – гэта бонус. Калі я не памыляюся, то з таго часу, як Сталь паднялася ў Экстракласе, яна ніколі не выйгравала тут, так што гэтая перамога мае вялікае значэнне для нас», – сказаў Керэс.

Адзначым, што «Сталь» ідзе на 8-м месцы ў чэмпіянаце Польшчы. Пасля 16 матчаў у актыве каманды 21 ачко.