Жаау Фелікс: «Калі гульцы «Атлетыка» скажуць, што не хочуць больш гуляць у нападзе, то яны хлусяць»

«Вядома ж, як і кожны гулец, я аддаю перавагу стылю «Барселоны». Калі вы спытаеце любога гульца, калі вы спытаеце гульцоў «Атлетыка», то яны скажуць, што хацелі б больш гуляць у нападзе. Калі не скажуць гэтага, то яны хлусяць.

Вядома, кожны футбаліст хоча атакаваць, валодаць мячом і забіваць галы. Матч з «Атлетыка» будзе асаблівым для мяне. Апошнія 4 гады «Атлетыка» быў маёй хатай, і, вядома ж, там у мяне былі добрыя моманты. Матчы супраць былых партнёраў – гэта заўсёды асаблівыя адчуванні. Будзе прыемна зноў убачыцца і згуляць з імі.

Я б сказаў, што больш за ўсё мне хочацца згуляць супраць Радрыга дэ Поля, таму што на полі ён вельмі шалёны. У апошнія гады мы гулялі ў адной камандзе, таму ўсё ў парадку. Цяпер хачу паглядзець, як гэта – гуляць супраць яго», – сказаў Фелікс.

Нагадаем, Жаау гуляў за «Атлетыка» з 2019-га па 2022-ы год. Другую частку сезона мінулага сезона ён правёў у арэндзе ў «Чэлсі», зараз на правах арэнды гуляе за «Барселону». Учора з'явілася інфармацыя, што каталонскі клуб разглядае магчымасць выкупу партугальца ўжо ў студзені.

Заўтра, 3 снежня, Фелікс упершыню згуляе супраць свайго былога клуба – «Барселона» і «Атлетыка» сустрэнуцца ў вочным матчы 15-га тура Ла Лігі. Цяпер мадрыдцы апярэджваюць «сіне-гранатавых» дзякуючы найлепшай розніцы мячоў – 30:12 у «Атлетыка» супраць 27:14 у «Барселоны».