12,5% акцый «ПСЖ» прададзена амерыканскай інвестыцыйнай кампаніі

Катарская кампанія Qatar Sports Investment (QSI) прадала мінарытарны пакет акцый «ПСЖ» амерыканскай інвестыцыйнай кампаніі Arctos Partners, паведамляе The Athletic.

Па словах крыніц, блізкіх да здзелкі, Arctos купіла 12,5% акцый дзейнага чэмпіёна Францыі, якія ацэньваюцца прыкладна ў 4,25 мільярда еўра (3,64 мільярда фунтаў або 4,58 мільярда долараў – заўв.).

QSI і надалей будзе мець поўны кантроль над усімі рашэннямі ў клубе.

Інвестыцыі Arctos Partners будуць накіраваны на «падтрымку аперацыйнай дзейнасці клуба і ініцыятывы ў сферы нерухомасці», якія, у тым ліку, будуць датычыцца стадыёна і трэніровачнай базы.

Arctos таксама засяродзіцца на развіцці жаночай каманды «ПСЖ» і прадастаўленні стратэгічных паслуг, каб дапамагчы клубу выйсці на новыя рынкі.

Кампанія ўжо валодае мінарытарнымі пакетамі акцый у больш чым 30 спартыўных камандах у MLB, NBA, NHL, «Формуле-1» і футболе, уключаючы «Лос-Анджэлес Доджэрс», «Голдэн Стэйт», «Астан Марцін» і «Аталанту».