Прадстаўнік Багі пра кантракт з «Сокалам»: «Да канца траўня 2024-га з магчымасцю пралангацыі на год»

Прадстаўнік беларускага трэнера Аляксея Багі Арцём Прохараў пракаментаваў матывы і дэталі заключэння кантракта з саратаўскім «Сокалам» з расійскага Д2.

– Бага выйграваў чэмпіянат Літвы і Беларусі. Чаму ён пагадзіўся на варыянт з «Сокалам», які змагаецца за выжыванне ў Першай лізе?

– Гэта новы этап у кар’еры. Першая ліга прагрэсіруе, становіцца моцным чэмпіянатам, у якім працуюць топавыя трэнеры. Таму Аляксею цікава папрацаваць з «Сокалам» у новых для сябе ўмовах. Так, каманда займае месца ўнізе турнірнай табліцы, але шчыльнасць вельмі высокая, шанцы застацца ў Першай лізе высокія. Менавіта такая задача стаіць перад трэнерскім штабам.

– Перамовы былі складанымі?

– Не. Хачу падзякаваць кіраўніцтву «Сокала», яны з першага дня нашых зносін былі зацікаўлены ў Базе. Увогуле перамовы доўжыліся каля тыдня. Прыляцелі ў Саратаў: нам паказалі стадыён, горад, расказалі пра мэты і задачы. І пасля вырашэння ўсіх нюансаў, у тым ліку пытанняў па кантракце з салігорскім «Шахцёрам», далі згоду.

– На які тэрмін разлічаны кантракт?

– Да канца сезона з магчымасцю пралангацыі на год, – сказаў Прохараў.

Адзначым, што планаваная дата заканчэння сезона ФНЛ 2023/24 – 25 мая 2024 года.