Брамнік «Дынама-БДУФК» Уласевіч: «Ёсць устойлівая цікавасць з боку расійскіх і турэцкіх каманд»
Брамнік «Дынама-БДУФК» Кацярына Уласевіч распавяла пра варыянты працягу кар'еры.
– Выйграваць заўсёды прыемна, так што толькі станоўчыя эмоцыі адчуваю. Суперкубак і Кубак Беларусі атрымаліся больш эмацыйнымі, бо там адна гульня вырашала ўладальніка трафея, А Чэмпіянат – гэта больш доўгая дыстанцыя. І яшчэ раз выдатна даказаць, што ты лепшы ў краіне. Хадзіла бо шмат чутак пра тое, што мінскае «Дынама» нічога не стаіць без легіянераў, нічога не зможа клуб выйграць. І зараз усе крытыкі і скептыкі былі пасаромленыя.
– Ці ёсць нейкія намёткі па будучай камандзе?
– Да мяне ёсць устойлівая цікавасць з боку расійскіх і турэцкіх каманд. Пакуль нічога канкрэтнага сказаць не магу, але дакладна я сыходжу не ў нікуды. У мяне ў снежні заканчваецца кантракт з клубам. Трэба ўжо нешта мяняць у сваім жыцці, рухацца далей. За тры гады ў «Дынама» я выйграла ўсе трафеі ў Беларусі, якія магчымыя. Многае і не па адным разе. Мяне прызнавалі найлепшым брамнікам беларускай вышэйшай лігі. Прыйшла пара мяняць нешта. Але «Дынама» і Беларусь назаўжды застануцца ў маім сэрцы. Мне краіна вельмі спадабалася, у Мінску максімальна камфортна жылося, – сказала Уласевіч.