Кірыл Кірыленка: «У «Славіі» будуецца новая каманда»
Паўабаронца Кірыл Кірыленка распавёў аб пераходзе ў «Славію».
– Наколькі добра знаёмы з калектывам, ці ёсць у ім знаёмыя, акрамя Пятрэнка?
– Наколькі ведаю, зараз будуецца новая каманда, і многія футбалісты сышлі ... Вельмі добра знаёмы з Сяргеем Сазончыкам. Мы з ім пачыналі гуляць у аднаго трэнера і ўсё жыццё, можна сказаць, разам правялі, сябруем сем'ямі. А яшчэ неяк так атрымліваецца, што з Лёшам Івановым ходзім па пятах у розных футбольных клубах – то я за ім, то ён за мной.
– Значыць, ты ў Сазончыка ўсё даведваўся аб камандзе?
– Не сказаў, што так ужо моцна яго распытваў. Але там іншая цікавая гісторыя атрымалася. Калі стала вядома, што ён пераходзіць у «Славію», я тады быў яшчэ ў Румыніі. У мяне там не вельмі добра ўсё складалася, і я сказаў Сяргею: «Вось бы і мяне Бiёнчык забраў у «Славію». Не скажу, што на той момант, казаў усур'ёз, але, як бачыце, тая думка матэрыялізавалася, і мы апынуліся з Сазончыкам у адной камандзе ў аднаго трэнера.
– Іван Сяргеевіч ужо тлумачыў, якой будзе твая роля ў камандзе?
– Даведаюся ў працэсе. Цяпер галоўнае падрыхтавацца і набраць добрыя фізічныя кандыцыі – а там будзе відаць. Думаю, што заўзятары ўбачаць мяне па ходзе сезона на розных пазіцыях, зыходзячы з таго, што спатрэбіцца камандзе, – сказаў Кірыленка.