Заснавальнік «Іслачы» Пінчук: «Мы ўбачылі тое, што хацелі, калі ставілі Камароўскага ў руля каманды»
Заснавальнік «Іслачы» Уладзімір Пінчук пракаментаваў падаўжэнне супрацоўніцтва з Дзмітрыем Камароўскім.
– Адказаць на гэтае пытанне можна было проста: паглядзіце ў выніковую турнірную табліцу і вы зразумееце, што гэта найлепшы вынік «Іслачы» за ўсю гісторыю ў вышэйшай лізе. Гэта, вядома, вельмі добра, але не самае галоўнае.
Галоўнае, што ў 2023 годзе мы ўбачылі тое, што хацелі, калі ставілі Камароўскага ў руля каманды. Бо яго галоўныя якасці былі бачныя яшчэ ў папярэднія гады, калі ён выступаў за «ваўкоў» у якасці гульца. Гэта прафесіяналізм, велізарная працаздольнасць, амбітнасць, лідарскія якасці і г. д.
Асабіста для мяне вельмі важна, каб у камандзе была створана добрая атмасфера. Я думаю, тут у нас таксама ўсё было добра. Яшчэ мяне вельмі падкупляе шчырае і сумленнае стаўленне Дзмітрыя Аляксандравіча да сваёй працы, бо футбол падмануць немагчыма! – сказаў Пінчук.
