«Ювентус» канчаткова прайграў судовую справу па «Кальчаполі»

Дзяржаўная рада Італіі скончыў разгляд апеляцый, якія былі пададзеныя «Ювентусам» па справе аб карупцыйным скандале ў італьянскім футболе «Кальчаполі». Пра гэта паведамляе Calcio e Finanza.

Турынскі клуб патрабаваў у Федэрацыі футбола Італіі пакрыць шкоду ў памеры 443 мільёны еўра за прысуджэнне «Інтэру» Скудэта ў сезоне 2005/06. Гэтая судовая справа пачалася яшчэ 7 лістапада 2011 года. Пасля некалькіх апеляцый «Ювентус» звярнуўся ў Дзяржаўны савет.

Канчаткова разгляд справы завяршыўся ў кастрычніку мінулага года тым, што «Ювентус» адмовіўся ад апеляцыі. Але пры гэтым «б'янканеры» працягвалі патрабаваць кампенсацыю судовых выдаткаў. Зрэшты, паводле італьянскіх законаў, пакрыць гэтыя выдаткі павінен бок, які падаваў апеляцыю.

У выніку Дзяржаўны савет пастанавіў, што «Ювентус» павінен выплаціць па 5 мільёнаў еўра кожнаму з бакоў, супраць якіх быў прад'яўлены пазоў – гэта значыць «Інтэру» і Федэрацыі футбола Італіі.

Нагадаем, пра «Кальчаполі» стала шырока вядома ў траўні 2006 года дзякуючы расследаванню італьянскай паліцыі. У сувязях з арбітрамі матчаў было абвінавачана 5 клубаў: «Ювентус», «Мілан», «Фіярэнціна», «Лацыа» і «Рэджына». Па кожным з клубаў былі ўжытыя санкцыі, у прыватнасці «Юве» перавялі ў Серыю B.