Футбаліст «Віцебска» Варданян: «Былі варыянты за мяжой. Спачатку трэба паспрабаваць не наймацнейшы чэмпіянат»
Футбаліст «Віцебска» Карэн Варданян распавёў пра тое, дзе хацеў бы працягнуць кар'еру.
– Я нападаючы, мая задача забіваць. Калі гэта ўдаецца, адчуваю невымоўныя пачуцці. Хочацца забіваць яшчэ і яшчэ, рабіць статыстыку, каб зʼехаць у добры чэмпіянат.
– А ў якім першынстве хацеў бы паспрабаваць сілы?
– Бліжэй за ўсё італьянскі чэмпіянат, падабаецца футбол «Напалі». А пайграць жадаецца на больш высокім узроўні. Але для паэтапнага развіцця трэба спачатку паспрабаваць сябе ў не наймацнейшым замежным чэмпіянаце. Каб атрымаць легіянерскі досвед.
– Ты ў любым выпадку застаўся б у «Віцебску» ці разглядаў іншыя варыянты?
– Варыянты былі – і ў Беларусі, і за мяжой. Але мы з агентам вырашылі, што для мяне яшчэ адзін сезон у «Віцебску» будзе куды больш карысным.
– Гэта значыць сумняваўся?
– Так. Я ўвесь водпуск разважаў. Але ў асабістай гутарцы Аляксандр Валерʼевіч Паўлаў абазначыў свае планы на вышэйшую лігу. Мне яны спадабаліся, і я вырашыў застацца, – сказаў Варданян.
