На Філіпса прэтэндуюць мінімум 6 клубаў – сярод іх «Барселона» і «Атлетыка»
Будучыня паўабаронцы «Манчэстэр Сіці» Кэлвіна Філіпса можа вызначыцца ўжо на наступным тыдні, паведамляе The Telegraph.
Цяпер на футбаліста, які хоча атрымаць гарантыі гульнявога часу, прэтэндуюць мінімум 6 клубаў – «Барселона», «Атлетыка», «Крыстал Пэлас», «Вэст Хэм», «Ньюкасл» і «Ювентус».
Раней паведамлялася, што «Ман Сіці» згодны адпусціць гульца ў арэнду толькі пры ўмове, калі ў пагадненні будзе прапісана абавязковае права выкупу, але крыніца, спасылаючыся на клуб, абвяргае гэтую інфармацыю.
Таксама ў клубе абвяргаюць, што іх фінансавыя патрабаванні па арэндзе Філіпса паставілі яго пераход у любы з клубаў пад пагрозу.
Нагадаем, 28-гадовы англічанін у гэтым сезоне згуляў толькі 319 хвілін за каманду Пепа Гвардыёлы – 1 гол у 9 матчах.
Мы збіраем усе трансферныя навіны і пацверджаныя трансферы ў топ-чэмпіянатах у адпаведнай укладцы тэга турніру – усе трансферы АПЛ глядзіце тут.
