Іта патрабуе кампенсацыю ў памеры 1,2 млн еўра ад жанчын, якія абвінавацілі яго ў сексуальным гвалце

Вінгер «Рэймса» Дзюня Іта падаў пазоў у суд з патрабаваннем атрымаць кампенсацыю ад жанчын, якія абвінавацілі яго ў сексуальным гвалце. Пра гэта паведамляе The Japan Times.

Футбаліст хоча атрымаць 202 мільёны ен (каля 1,24 млн еўра – заўв.). У грамадзянскім пазове ў акруговы суд Осакі бок гульца сцвярджае, што абвінавачванні жанчын з'яўляюцца ілжывымі. У выніку іх Іта атрымаў фінансавы ўрон, паколькі з ім скасавалі кантракты спонсары.

Нагадаем, дзве жанчыны вылучылі супраць Іта абвінавачанні ў сексуальным гвалце. Гаворка ішла пра выпадак, які нібыта здарыўся ў ноч з 20 на 21 чэрвеня 2023 года ў Осацы, Японія. Дзве жанчыны сцвярджаюць, што Іта і яго сябры напаілі іх і заняліся з імі сексам без іх згоды.

Пры гэтым адна з магчымых ахвяр з верасня патрабуе прабачэнняў ад футбаліста. Сам гулец заявіў, што секс адбыўся пры ўзаемнай згодзе. Але ён прапанаваў жанчыне фінансавую кампенсацыю і падпісаць дамову па неразгалошванні. Але жанчыны адмовіліся і вырашылі ўзбудзіць крымінальную справу супраць яго.

У гэтым сезоне Іта адзначыўся 2 галамі і 5 асістамі ў 19 матчах за «Рэймс». Поўная статыстыка 30-гадовага японца тут.