Заўзятар «Марселя» адправіў 15 тысяч еўра махляру, які выдаваў сябе за прэзідэнта клуба – ён да гэтага часу ўпэўнены, што яго падмануў Лангорыя

Заўзятар «Марселя» адправіў 15 тысяч еўра махляру, таму што лічыў, што размаўляе з прэзідэнтам клуба Пабла Лангорыяй, паведамляе BFM Marseille Provence.

Ашуканец кантактаваў з пацярпелым праз Facebook, падпісаўшы свой акаўнт імем прэзідэнта французскага клуба.

У дыялогу ён паабяцаў заўзятару выдзеліць 80 тысяч еўра на рэалізацыю яго праектаў, папярэдзіўшы, што таму давядзецца аплаціць банкаўскія зборы.

Апошні за некалькі месяцаў пералічыў фэйкаваму прэзідэнту «Марселя» 15 тысяч еўра, пасля чаго зразумеў, што стаў ахвярай схемы.

У каментары першакрыніцы заўзятар заявіў, што да гэтага часу лічыць, што яго падмануў сам Лангорыя: «На сёння ў гэтым няма ніякіх сумневаў».

Цяпер фанат збіраецца напісаць заяву, спадзяючыся вярнуць хаця б частку сродкаў дзякуючы страхоўцы.