Віталь Булыга: «Пры Штанге зборная Беларусі добра гуляла. Ён нас разняволіў. Але тады гуляла мала хлопцаў з ЧБ»

– Я працаваў і пры Штанге, і пры іншых беларускіх спецыялістах. Не магу сказаць, што пры нашых трэнерах гулялі дрэнна. Праводзілі гульні годна, добра. На нас хадзіў цэлы стадыён, было прыемна.

Цяпер прыйшоў замежны спецыяліст, даў нейкі вынік. Але ўсё ж гэты плён працы тых трэнераў, якія іх да гэтага трэніравалі. Калі пачнецца новы сезон, цыкл, мы паглядзім на яго магчымасці.

Гэта не горшы варыянт, што ён на дадзены момант устаў ля пасады трэнера зборнай. Я так бачу паводле вынікаў каманды. Не ведаю, як там у побыце і астатняе.

А пры Берндзе Штанге мы таксама добра гулялі. Ён нас усіх разняволіў, былі класныя адносіны. Ну і зборная, натуральна, была добрая. Паўтаруся, што мала было хлопцаў з чэмпіянату Беларусі. Які б ён ні быў, моцны ці слабы, але ў асноўным усе хлопцы былі прыезджыя. Толькі час пакажа, што будзе лепш, – сказаў Булыга.