Андрэй Васілевіч: «Гульня паміж зборнымі Расіі і Беларусі адбудзецца ў чэрвені на стадыёне «Дынама», канкрэтнай даты яшчэ няма»

Нагадаем, што з сакавіка 2022-га ўсе клубы і зборныя Беларусі могуць праводзіць дамашнія матчы выключна на нейтральнай тэрыторыі і без гледачоў на трыбунах. Такое рашэнне прынятае з-за вайны ва Украіне, якую з 24 лютага 2022 года працягвае Расія з выкарыстаннем тэрыторыі Беларусі.

«Так, гульня паміж зборнымі Расіі і Беларусі адбудзецца ў чэрвені. Гэта не фэйкавая, а ўжо афіцыйная інфармацыя. Сустрэча пройдзе на стадыёне «Дынама». Канкрэтнай даты яшчэ няма, таму што ўсё залежыць ад маленькіх нюансаў, такіх, напрыклад, як другі таварыскі матч расійскай і нашай каманды.

На сённяшні дзень ні мы, ні Расія не маем вялікім выбарам супернікаў для таварыскіх матчаў, таму нашы федэрацыі даўно размаўлялі аб магчымасці арганізацыі таварыскай сустрэчы нашых нацыянальных каманд. Вось, нарэшце ва ўсіх усё атрымалася і склалася!

Мы разглядалі два варыянты правядзення сустрэчы: у Расіі і ў Беларусі. Заўсёды ёсць мноства варыянтаў, але ў сувязі з тым, што мы даўно не гулялі дома, мы прапанавалі расійскаму боку згуляць у Мінску. Рады, што яны прынялі нашу прапанову. Тым больш, мяркую, і вам будзе зручней правесці гэтую гульню ў нас у Беларусі. Калі яшчэ зборная Расіі зможа прыехаць да нас у Мінск?

Улічваючы добрыя адносіны паміж нашымі федэрацыямі, ніякіх праблем дамовіцца пра таварыскі матч не было. Былі маленькія працоўныя нюансы, мы іх вырашылі», – сказаў Васілевіч.