ЕС прыняў рашэнне, што футбольная Суперліга павінна змяніць назву, паколькі чэмпіянат Даніі зарэгістраваў гэтае слова як свой брэнд

ЕС вынес рашэнне на карысць чэмпіянату Даніі, які афіцыйна зарэгістраваў брэнд пад назвай Суперліга, паведамляе The Telegraph.

Суперліга – назва праекта, які мае на мэце замяніць УЕФА і яго турніры ў Еўропе. Выканаўчы дырэктар дацкай Суперлігі Клаўс Томсен паведаміў, што з-за рашэння ЕС таму праекту зараз трэба перайменавацца.

«Мы вельмі рады, што орган ЕС, які адказвае за таварныя знакі, пагадзіўся з тым, што брэнд Суперлігі ў ЕС будзе парушаць каштоўнасць, якую дацкія клубы ўклалі ў сваю Суперлігу», – сказаў Томсен.

У лютым была інфармацыя, што заяву супраць Суперлігі падпісалі ўсе краіны ЕС, акрамя Іспаніі.