З «Нотынгем Форэст» знялі 4 ачкі ў АПЛ за парушэнне правілаў фінансавага фэйр-плэй (The Guardian)

«Нотынгем Форэст» аштрафаваны на 4 ачкі за парушэнне правілаў фінансавага феер-плэй, паведамляе The Guardian.

Англійская прэм'ер-ліга яшчэ не абʼявіла аб гэтым рашэнні. Чакаецца, што гэта адбудзецца 18 сакавіка.

Таксама пазначана, што «Форэст» плануюць аспрэчваць вердыкт. Клуб прызнаў факт парушэння, але настойваў, што мае змякчальныя акалічнасці ў сувязі з продажам Брэнана Джонсана.

Раней клуб атрымаў прапанову ад «Брэнтфарда» у 30 мільёнаў фунтаў аб трансферы Джонсана, але сам гулец адмовіўся пераходзіць. У выніку ён перайшоў у «Тотэнхэм» за 47,5 млн фунтаў.

Джонсан зʼяўляецца выхаванцам «Форэст». Яго прадалі ўжо не ў справаздачны перыяд, што паўплывала на фінансавыя паказчыкі, якія прывялі да ачковага штрафу.

У «Нотынгеме» сцвярджалі, што гэта было зроблена свядома, каб клуб атрымаў больш грошай і быў больш устойлівым у фінансавым плане. Гэты аргумент не быў улічаны.

Калі інфармацыя пацвердзіцца, то каманда будзе мець 21 ачко замест 25 і апусціцца ў зону вылету чэмпіянату Англіі – з 17-га на 18-е месца.

За аналагічнае парушэнне на 6 ачкоў раней быў аштрафаваны «Эвертан» (25 ачкоў, 16 месца). Поўная табліца АПЛ тут.