Яўген Бярозкін: «Зычу БАТЭ перазагрузіцца і зноў выйсці на топ-узровень»
Беларускі паўабаронца «Кызыл-Жара» Яўген Бярозкін пракаментаваў сітуацыю ў беларускім футболе.
– Як вам гульня беларусаў у таварыскіх матчах з Чарнагорыяй і Мальтай? Паражэнне і нічыя з нулём забітых галоў…
– З Чарнагорыяй, вядома, маглі дабіцца лепшага выніку. Нажаль, не рэалізавалі свае моманты. Часам глядзеліся нядрэнна. Матч з Мальтай убачыць не ўдалося.
– Ці сочыце за беларускай вышэйшай лігай?
– Не сказаць, што пільна. Канешне, гляджу вынікі, хто як згуляў і на якім месцы знаходзіцца.
– На чыім баку вашыя перавагі?
– Зычу ўдачы «Тарпеда-БелАЗу» ўнутры краіны і ў еўракубках, БАТЭ – перазагрузіцца і зноў выйсці на топ-узровень.
Ды і ў цэлым жадаю нашаму чэмпіянату квітнець і вяртацца на былыя вышыні. Каб каманды выходзілі ў групу еўракубкаў, а футбалісты атрымлівалі прапановы з топ-чэмпіянатаў, – сказаў Бярозкін.
