Кіраўнік расійскай аматарскай медыялігі Осіпаў: «На «Барысаў-Арэне» агарод. Матчы перанесеныя ў Мiнск»
Кіраўнік расійскай аматарскай медыялігі Мікалай Осіпаў паведаміў, што 2 матчы, запланаваныя на 20 красавіка, перанесены з Барысава ў Мінск.
– Рабят, гуляем у Мiнску. У Барысаве замест поля – агарод, трава наогул не вырасла.
Каб адзін з найлепшых матчаў сезона прайшоў у камфортных для ўсіх умовах – стадыён «Дынама», горад Мінск, 20 тысяч, аншлаг абяцаюць, – сказаў Осіпаў.
У першым матчы 2Drots згуляе з «10». У другой гульні беларуская DMedia згуляе з камандай фанатаў «Спартака» пад назвай «Народная каманда».
Стваральнікамі «10» з'яўляюцца расійскія гумарысты Азамат Мусагаліеў і Дзяніс Дарохаў, якія выступалі на тэрыторыі часткова акупаванай Расіяй Данецкай вобласці Украіны.
Адзначым, БАТЭ ў гэтым сезоне на «Барысаў-Арэне» пакуль не выступаў. Каманда ў чэмпіянаце Беларусі пакуль прымае сапернікаў на «Гарадскім».