Чэмпіянат Казахстана: Гол Шрамчанкi дапамог «Жэтысу» выйграць у «Актабэ» Бяссмертнага, «Ялімай» Корзуна і «Ардабасы» Сяднёва згулялі ўнічыю
27-28 красавіка праходзяць матчы 6-га тура чэмпіянату Казахстана з удзелам беларускіх футбалістаў.
27 красавіка
«Табол» згуляў унічыю (1:1) з «Жэнісам» Дзяніса Грачыха і Сяргея Волкава. Грачыха правёў поўны матч, Волкаў не патрапіў у заяўку.
«Атырау» Віталя Жукоўскага, Ягора Хаткевіча, Ігара Стасевіча, Мікіты Сцяпанава і Мікалая Сігневіча абыграў (2:0) «Кызыл-Жар» Яўгена Бярозкіна. Сцяпанаў правёў поўны матч, Сігневіч адзначыўся голам на 50-й хвіліне і быў заменены на 83-й, Хаткевіч і Стасевіч не патрапілі ў заяўку на гульню. Бярозкін правёў поўны матч.
«Туран» прайграў (0:2) «Астане» Макса Эбонга. Беларус выйшаў на замену на 70-й хвіліне матча.
«Кайсар» Руслана Юдзянкова, Валерыя Грамыкі, Уладзіміра Саўпеля і Дзмітрыя Барадзіна перамог «Кайрат» (1:0). Юдзянкоў правёў усю гульню на полі з першых хвілін. Грамыку замянілі на 19-й хвіліне. Барадзін атрымаў жоўтую картку і быў заменены на 18-й хвіліне. Соўпель правёў усю гульню на лаўцы запасных.
28 красавіка
«Ялімай» Мікіты Корзуна і Мікалая Золатава згуляў унічыю з «Ардабасы» Аляксандра Сяднёва і Усевалада Садоўскага (1:1). Корзун адгуляў матч цалкам, Садоўскі выйшаў на поле на 60-й хвіліне, Золатаў усю гульню правёў на лаўцы запасных.
«Жэтысу» Антона Шрамчанкi выйграў у «Актабэ» Дзмітрыя Бяссмертнага (2:1). Шрамчанка адзначыўся голам на 19-й хвіліне матча, правёўшы на полі 84 хвіліны. Бяссмертны адыграў увесь матч, але не вызначыўся выніковымі дзеяннямі.