«Атырау» Жукоўскага атрымаў першую перамогу ў чэмпіянаце Казахстана, абыграўшы аднаго з лідараў
Дапамог гол Мікалая Сігневіча.
У матчы шостага тура казахстанскага чэмпіянату «Атырау» Віталя Жукоўскага атрымаў перамогу над «Кызыл-Жарам», за які гуляе Яўген Бярозкін.
Лік у матчы на 51-й хвіліне адкрыў Мікалай Сігневіч – беларускі нападаючы ідэальна замкнуў закід партнёра.
Для 32-х гадовага футбаліста гэта ўжо другі мяч у сезоне. Першы гол здарыўся ў вароты «Актобэ» у 4-м туры.
Другі гол здарыўся праз 2 хвіліны дзякуючы намаганням славенскага паўабаронцы Якаба Новака.
«Атыраў» упершыню выйграў матч КПЛ у новым сезоне. Пасля шасці сустрэч у актыве каманды сем ачкоў і сёмае месца турнірнай табліцы. У наступным туры каманда згуляе на выездзе з алмацінскім «Кайратам».
«Кызыл-Жар» пацярпеў другое паражэнне ў сезоне. За шэсць матчаў петрапаўлаўцы набралі восем ачкоў, яны апусціліся на пятую пазіцыю з-за перамогі «Астаны» і нічыёй «Табола». У наступным туры «Кызыл-Жар» прыме на сваім полі туркестанскі «Туран».
