Гандбаліст зборнай Беларусі Шумак: «У нас вельмі добры склад, які можа дазволіць пазмагацца з сусветнымі грандамі»

– У канцы мінулага года праводзіліся таварыскія сустрэчы зборных Беларусі і Расіі, якія завяршыліся перамогамі нашай каманды. Ці можна сказаць, што ўзровень беларусаў вышэйшы, чым у расіян?

– Думаю што так. На тых спаборніцтвах і на дадзеным адрэзку часу іх перамагаем. Ездзіў на першы збор, калі якраз спаборнічалі з Расіяй у Мінску. Тады яшчэ ў іх быў больш поўны склад. Але і ў нас ёсць, кім узмацніць каманду, таму лічу, што зараз мы мацнейшыя.

– Зразумела, што хочацца разлічваць на выступ каманды ў еўрачэмпіянатах. Але калі меркаваць, то наколькі канкурэнтаздольнай была б Беларусь?

– Калі глядзець на апошні чэмпіянат Еўропы, аўтсайдары паказалі сябе вельмі класна. Тыя ж Фарэрскія астравы. Так, яны вылецелі, але біліся да канца, да апошніх хвілін. Таму думаю, што на Еўра мы б выступілі не горш за сербаў.

– А алімпійскую кваліфікацыю здолелі б прайсці на Гульні ў Парыж?

– Цяжка казаць, таму што вельмі вялікая міжнародная паўза. Цяпер толькі з расіянамі гуляем і яшчэ з парачкай каманд. Спрабуем хаця б утрымаць той узровень, які ў нас быў. Таму прагназаваць складана. Усе хлопцы, якія гуляюць тут, вельмі хочуць вярнуцца на міжнародныя турніры.

Памятаю сябе маладым, калі першы раз паехаў на чэмпіянат свету, гэта было хвалююча, калі можна так сказаць. Цэлыя зборы былі перад гэтым, але лепшую гульню сваю паказаць тады не здолеў. Таму ўсё ж розныя фактары могуць паўплываць на тое, якім будзе першы наш выступ пасля вяртання. Але думаю, што ў нас вельмі добры склад, які можа дазволіць нам пазмагацца з сусветнымі грандамі, – сказаў Шумак.