Трэнер «Дынама-Маладзечна» Палішчук: «Да хлопцаў павінна дайсці, што пераломны момант можа наступіць і ў пачатку, і на 3-й хвіліне, і на 40-й»

Галоўны трэнер «Дынама-Маладзечна» Аляксандр Палішчук пракаментаваў паражэнне ад аршанскага «Лакаматыва (3:4) у чэмпіянаце Беларусі.

– Суперніка з перамогай, вядома. Па матчы – гулялі добра, выдатна. Задаволены самааддачай, працай рабят. Але да іх павінна дайсці, што гульня доўжыцца 60 хвілін. Не толькі да апошняй хвіліны – гэта само сабой. Пераломны момант можа наступіць і ў пачатку гульні, і на трэцяй хвіліне, і на пятай, і на саракавой – без розніцы. Трэба кожную секунду, калі ты на лёдзе, захоўваць канцэнтрацыю і выконваць заданне, – падсумаваў Палішчук.