Дзмітрый Квартальнаў: «У гэтым сезоне каманда ў «Дынама» практычна новая была, яна ўтваралася»

Галоўны трэнер мінскага «Дынама» Дзмітрый Квартальнаў падсумаваў перамогу над «Спартаком» (4:2) у матчы КХЛ.

– Прыемна перамагаць у Маскве. Сёння вельмі дапамог брамнік (былі буліт, выхады адзін на адзін). Аляксей Коласаў быў на вышыні, даў нам шанец і мы перамаглі.

– Гэты матч быў, па сутнасці, кантрольны. На што звярталі ўвагу гульцоў? На перамогу ці абысціся без траўмаў?

– Заўсёды хочацца перамагаць. Не хочацца прайграваць. Канешне, звярталі ўвагу на шэраг рэчаў: большасць і не толькі. Гэта ўнутраныя справы. Рыхтуемся да плэй-оф.

– Як ацэніце гульню каманды ў рэгулярцы? Што ўдалося зрабіць? Што хацелася б палепшыць?

– Вялікая плеяда беларусаў гуляла ў камандзе. Такога раней не было. Гэта вялікі выклік для іх. Многія хлопцы справіліся, правялі першы сезон, адказна прынялі нашу працу, якую мы прапанавалі. Гэта вялікі плюс. Каманда практычна новая была, яна ўтваралася.

– Не гулялі лідары, а Каўгарэня выйшаў абаронцам. Нейкія праблемы?

– Некалькі маладых хлопцаў ездзілі дапамагаць камандзе МХЛ. Павінны былі гуляць у 22 палявых, але атрымалася толькі 19. Некалькі хлопцаў атруціліся. Фрыц і Калдзіс павінны былі гуляць. Блага сябе адчулі. Але нічога страшнага. Стасю і Кёрану далі адпачыць.

– Хутка вы будзеце гуляць праз дарогу ад гэтай арэны ўжо ў плэй-оф. Паедзеце ў Мінск ці застанецеся ў Маскве?

– Паедзем у Мінск.

– З якімі пачуццямі чакаеце плэй-оф? Якія задачы? Шмат хто ўспрымае «Дынама» як цёмнага коніка.

– Рыхтуемся. Усё разумеем. Гульня пачынаецца пры ліку 0:0, – адказаў Квартальнаў.