Аўтар «Прэсбола» Лабандзіеўскі: «На ЕГ у Польшчы былі пустыя трыбуны. Чаму нельга арганізаваць падлеткаў, у якіх канікулы?»

Аўтар «Прэсбола» Канстанцін Лабандзіеўскі пракаментаваў праблемы з наведвальнасцю на Еўрапейскіх гульнях-2023 у Польшчы, а таксама прапанаваў свае рашэнні гэтых праблем.

«Атмасфера спаборніцтваў атрымалася адкрыта фантасмагарычнай. Галоўнай праблемай сталі пустыя

трыбуны. І добра б, калі б толькі на нейкіх папярэдніх стадыях – такое бывае. Але нават самыя прэстыжныя спаборніцтвы праходзілі пры адсутнасці цікавасці гледачоў.

Нават сайт Euronews выпусціў артыкул з адпаведным загалоўкам «Еўрапейскія гульні пры паўпустых трыбунах».

Што цікава, у такіх публікацыях, як правіла, няма ніякіх высноў. Чаму няма гледачоў,

чаму не ўдалося прыцягнуць турыстаў з-за мяжы і з іншых частак краіны, чаму нельга арганізаваць паходы на стадыёны падлеткаў, у якіх летнія вакацыі? Бо гаворка пра Кракаве, самым прыгожым горадзе Польшчы! Гэтых пытанняў як быццам няма, яны павісаюць у паветры. Хоць адказы відавочныя – трэба праводзіць працу, рэкламную, арганізацыйную, рыхтаваць да прыёму гасцей гасцініцы і інфраструктуру.

Такая праца праводзілася ў Мінску-2019. А таму колькасць прададзеных квіткоў у нас склала блізу 215 тысяч – гэта больш за 80 адсоткаў ад колькасці тых, што былі ў вольным продажы», – напісаў Лабандзіеўскі.