Польшча будзе змагацца за права правесці летнюю Алімпіяду-2036
Прэзідэнт Польшчы Анджэй Дуда заявіў аб намерах краіны змагацца за права правядзення Алімпійскіх гульняў у 2036 годзе. «Пасля кансультацый з Алімпійскім камітэтам Польшчы, міністрам спорту і ўрадам я хацеў бы абвясціць, што мы маем амбіцыі і маем намер зрабіць крокі па правядзенні летніх Алімпійскіх гульняў у 2036 годзе. З гэтай нагоды я пашлю ліст прэзідэнту Міжнароднага алімпійскага камітэта Томасу Баху, які яму перадасць прэзідэнт Алімпійскага камітэта Польшчы Радаслаў Пясевіч падчас сустрэчы, якая адбудзецца 6 кастрычніка», - сказаў Дуда. Польшча ніколі не праводзіла АІ. Гэтым летам краіна стала гаспадыняй Еўрапейскіх гульняў, а ў 2012 годзе сумесна з Украінай правяла чэмпіянат Еўропы па футболе. За права правесці Алімпіяду ў 2036 годзе таксама будуць змагацца Інданезія, Мексіка, Турцыя і Індыя.
