Дзедам марозам можа стаць кожны. Дапаможам пацярпелым ад рэпрэсій рэжыму разам
Вы самі можаце абраць, каму дапамагчы.
Сябры, ужо прайшлі каталіцкія Каляды. Наперадзе новы год і Раство праваслаўнае. На жаль, не ўсе могуць сустрэць гэтыя святы сярод сваіх сем'яў. Па стане на 28 снежня 2023 года ў Беларусі палітвязнямі прызнаны 1466 чалавек. Людзі адбываюць вялізныя тэрміны за тое, што не засталіся абыякавымі да таго, што адбываецца ў сваёй краіне.
Турмой рэпрэсіі рэжыму Лукашэнкі не абмяжоўваюцца. Многія беларусы страцілі працу, многія былі вымушаны ўцякаць з краіны. А некаторыя пасля сустрэчы з сілавікамі Лукашэнка страцілі здароўе.
Давайце разам паможам людзям, якія пацярпелі ад дзеянняў рэжыму. Бо калі яшчэ рабіць добрыя ўчынкі, як не ў гэты чароўны пераднавагодні час.
Выбраць чалавека, якому вы хочаце дапамагчы ці акцыю, якую хочаце падтрымаць можна па спасылцы.
Дзякуй за вашу падтрымку.
Нагадаем, данацiць y BYSOL наўпрост з беларускіх цi расiйскiх карт небяспечна, бо банкі дзеляцца данымі пра пераводы з сілавікамі Лукашэнкі, якія могуць затрымаць чалавека за любы перавод у BYSOL.