Арына Сабаленка: «Пасля матчу са Світолінай думала зняцца з турніру ў Рыме»
Беларуска Арына Сабаленка расказала аб выхадзе ў фінал турніру ў Рыме.
– Пасля Мадрыда я не вельмі добра сябе адчувала. Я хварэла, потым атрымала траўму. Я нават здзівілася, што нават пры такой колькасці абставін змагла дайсці да фіналу. Дзіўна.
У той самы час я ведала, што гуляю на патрэбным узроўні. Калі адчую сябе лепей, змагу выйсці ў фінал. Так што 50-50.
Але той матч адназначна мяне закрануў. Гэта была вельмі крыўдная параза, асабліва пасля таго, як у мяне было некалькі матчболаў, нават нягледзячы на тое, што яна выдатна гуляла. Так, гэта быў напружаны матч. Спадзяюся, тут, у Рыме, я змагу перамагчы і ўзяць тытул.
– Наколькі важная была перамога над Світолінай?
– Так, гэта была важная перамога. Я гуляла з болем з-за траўмы спіны. Я вельмі ганаруся тым, што змагла скончыць той матч і выйграць. Гэта была цудоўная бітва, тэніс высокага ўзроўню.
Той матч надаў мне, я б сказала, упэўненасці ў сабе... Я, як заўсёды, стамілася. Занадта позна, хлопцы (смяецца).
Так, той матч адназначна надаў мне ўпэўненасці ў тым, што я гуляю на патрэбным узроўні і магу пераадолець любыя цяжкасці. Адзінай праблемай было падлячыць спіну, і я гэта зрабіла. Я вельмі радая, што выйшла ў фінал.
– На за гарамі Ралан Гарос. Пасля матча са Світолінай думалі, што трэба аднавіць спіну і, магчыма, не гуляць?
– Я думала зняцца з турніру. На шчасце, у мяне быў дзень адпачынку. Я шмат займалася аднаўленнем. Я па-ранейшаму раблю шмат практыкаванняў, шмат працэдур, увесь час займаюся паясніцай. Стан паляпшаецца. Мне здаецца, мы на правільным шляху.
Вядома, калі нешта здарыцца ў матчы, я здымуся, бо Парыж не за гарамі. Спадзяюся, гэтага не адбудзецца. Мне падаецца, не адбудзецца. Працягну настройвацца на пазітыў.
Так, гэта была шалёная траўма. Я думала: усё, Рым для мяне скончыўся. Але мы з фізіятэрапеўтамі выдатна папрацавалі, яны цудоўныя спецыялісты. Я гэта вельмі шаную. Я вельмі ўдзячная фізіятэрапеўтам за тое, што яны дапамаглі мне выстаяць і вырашыць праблему, – сказала Сабаленка.