Страх чэмпіёна. Чаму Сяргею Хаміцкаму не далі перамагчы

Герой “Байцоўскага гену” сустрэўся на рынгу са знакамітым Робертам Штыгліцам. Калі беларус пачаў па-сапраўднаму біць немца, у сітуацыю ўмяшаўся неаб’ектыўны рэферы.

Двубой Хаміцкі — Штыгліц адбыўся ў суботу, 26 ліпеня, у нямецкім Дасаў і трансляваўся на ўвесь свет. Па ідэі, двухразовы чэмпіён свету Роберт Штыгліц мусіў адной левай разабрацца з 39-гадовым беларусам.

Хаміцкі 1

Але замест гэтага Хаміцкі, па вялікім рахунку, дэкласаваў саперніка. Быў больш агрэсіўны, не аднойчы скалануў Штыгліца. Як мінімум Сяргей ні ў чым немцу не саступаў. Хоць адразу было зразумела, што бой арганізавалі пад зорнага Роберта Штыгліца, і перамагчы беларус мог толькі накаўтам.

Да дзявятага раўнду байцы нанеслі адно аднаму істотныя страты — рассячэнні і гематомы, — але Хаміцкі быў больш напорыстым і меў лепшы адсотак чыстых сілавых удараў.

У канцы дзявятага раўнду наш баксёр правёў некалькі паспяховых атак і на апошніх секундах адправіў Штыгліца ў накдаўн. Аднак польскі суддзя Збігнеў Лагаш выставіў сітуацыю так, што немец нібыта паслізнуўся. Тым не менш, стала зразумела, што за тры раўнды, якія засталіся, Хаміцкі падбярэ да саперніка ключы і лясне. Штыгліц быў дэкласаваны і прабіты. І тут у справу ўмяшаўся той жа польскі рэферы-фантазёр. У самым пачатку 10 раўнду ён нечакана  спыніў двубой праз…адматаныя тэйпы на пальчатках Хаміцкага. Нашага баксёра знялі з бою, прысудзілі яму з незразумелых прычынаў тэхнічны накаўт і аддалі наш пояс інтэркантынентальнага чэмпіёна WBO Роберту Штыгліцу.

У дадзены момант Сяргей Хаміцкі знаходзіцца ў Швейцарыі. Баец вельмі засмучаны, але такое цяпер стаўленне да беларусаў. Праект “Байцоўскі ген” будзе сачыць, ці падрыхтуюць чыноўнікі ад беларускага спорту адэкватны адказ на бяспраўе, якое адбылося ў нямецкім Дасаў.

На адрас партала budzma.by  і нашым партнёрам прыходзяць лісты, каментары і фотаздымкі, дзе людзі падтрымліваюць Сяргея Хаміцкага. Публікуем адну з такіх картак.

Хаміцкі 2

Праект “Байцоўскі ген” будзе працягваць сачыць за лёсам нашага выбітнага баксёра і жадае яму духоўнай моцы.

 

Чытайце таксама:

Крыніца: budzma.by

Этот пост опубликован в блоге на Tribuna.com. Присоединяйтесь к крупнейшему сообществу спортивных болельщиков!
Другие посты блога
Будзьма беларусамі!
+14
Реклама 18+
Популярные комментарии
Vovanius
+5
Ганьба ўсім удзельнікам з боку праціўнікаў Хаміцкага! Але гэтага можна было чакаць. Асобна адзначаю прадажную скуру рэферы. Раней сам Хаміцкі казаў, што перамогу яму аддадуць, толькі калі ён накаутуе Штыгліца. Не засмучайся, Сяргей! Ты - мацнейшы!
Написать комментарий
Реклама 18+