Тарпеда – Ашмяны. Гісторыя супрацьстаяння
Суботні матч 18-га тура застаецца чакаць зусім нядоўга. А мы тым часам склалі для Вас усю гісторыю супрацьстаяння мінскага Тарпеда і ФК «Ашмяны», якая пачала, як не дзіўна, яшчэ ў часы выступаў абодвух клубаў у чэмпіянаце сталіцы (d4).
Пачаць гісторыю супрацьстаяння мінскага Тарпеда і ФК “Ашмяны” неабходна з інфармацыі аб заснаванні клуба нашых супернікаў.
Першапачаткова сённяшні футбольны клуб з г. Ашмяны базаваўся ў Мінску і пачаў сваё жыццё ў 2012 годзе пад назвай “Славянін”. Менавіта з гэтай камандай тады ўпершыню сустрэліся сталічныя аўтазаводцы.
Сезон 2013 г. 2 кастрычніка. Чэмпіянат Мінска (d4).
Нагадаем, што ў той час Тарпеда было прадстаўлена ў чэмпіянаце сталіцы (d4).
У 2012-ым годзе дастаткова цяжка было ўявіць, што нашы клубы сустрэнуцца праз некаторы час ужо ў 2-ім дывізіёне Беларусі.
Апошні матч у сезоне 2013. Заўзятары Тарпеда і каманда пасля гульні.
У 2015-ым г. былы ФК “Славянін” пераязджае са сталіцы ў г. Ашмяны і змяняе сваю назву ў гонар горада, які пачынае прадстаўляць на футбольнай мапе нашай краіны. Першая сустрэча футбольнага клуба “Ашмяны” і мінскага Тарпеда адбылася ў мінулым сезоне 2015 г. ў Другой лізе чэмпіянату Беларусі.
Сезон 2015 г. 2 лістапада. Другая ліга. 24 тур.
10 кастрычніка Чорна-Белыя фактычна разграмілі на выездзе нашых супернікаў з буйным лікам 0:5. Але ўжо ў Мінску 7 лістапада матч 25-га тура тарпедаўцы і ФК “Ашмяны” завяршылі з нічыйным лікам 2:2. Адзначым, што ў абодвух гульнях галы ў браму ашмянскай каманды забіў 13-ты нумар Тарпеда, нападнік Максім Шкураценка.
Сезон 2016 г. 5 тур. Фота выдання “Ашмянскі веснік”
У сезоне 2016 г. мінскае Тарпеда сустракалася з ФК “Ашмяны” увесну 14 траўня. Гэта быў матч 5-га тура і тады аўтазаводцы атрымалі перамогу 0:1, дзякуючы прыгожаму голу на 85 хв. Яўгена Марозава.
Відэа гола:
18 тур. Першая ліга Беларусі.
ПФК ТАРПЕДА МІНСК vs ФК АШМЯНЫ
Стадыён “Тарпеда” (вул. Катоўскага, 2 / ст.м. Аўтазаводская)
Запрашаем усіх заўзятараў на гульню Чорна-Белых!