Мінскае дэрбі. Прэв'ю да матча са СКА
1 лістапада «Віцязь» прымае СКА. Гульня пачнецца ў 18:00 у РЦАР па гандболе (Філімонава, 55/2).
Пра гісторыю клуба і змены ў міжсезонні мы распавядалі ў папярэднім прэв'ю.
У той гульні армейцы былі мацнейшыя за "Віцязь":
СКА (Мінск) - Віцязь (Мінск) 34 - 16
СКА (Мінск): Мароз, Чэрнікаў, Міскевіч; Вайлупаў (7), Кулеш (6), Данцоў (5), Рудзь (4), Ушал (3), Крывенка (2), Сотнік (2), Броўка (1), Лявухін (1), Сончык (1), Падшывалаў (1), Алёхін (1), Рабушка.
Віцязь (Мінск): Грыбаў, Котаў, Ланін; Лях (3), І.Юркевіч (3), Красуцкі (3), Васілевіч (2), Бабкевіч (2), Ваявода (2), Бабічаў (1), Мандрык, В.Юркевіч, Жолудзеў, Кавальчук, Казлоў, Дударонак.
З таго моманту армейскі клуб паспеў правесці 9 матчаў. СКА выступае ў трох спаборніцтвах і, забягаючы наперад, ва ўсіх паспяхова. Клуб прымае ўдзел у Кубке ЕГФ, дзе ў другім кваліфікацыйным раўндзе былі здабыты дзве перамогі над бухарэсцкім ЧСМ. Супернікам па трэцяму раўнду стане іспанскі "Сьюдад дэ Лагроньё". Паспяхова стартавалі армейцы і ў Балтыйскай лізе: дзве перамогі над "Гранітасам" і "Цэлтніексам".
Галоўным поспехам СКА напэўна можна лічыць лідарства ў чэмпіянаце Беларусі. пасля васьмі тураў армейцы маюць у табліцы 15 з 16 магчымых балаў. Матчы супраць прынцыповага суперніка з Брэста завершыліся нічыёй ў Мінску і перамогай у гасцях.
У чэмпіянаце Ігар Папруга выкарыстоўвае 19 гандбалістаў:
Прадматчавы каментар
Аляксандр Жыркевіч распавёў пра паразу ад "Машэкі" і падрыхтоўку да гульні са СКА:
- Лічу, што ў Магілёве, камандзе дрэнна настроілася. Хлопцы ня зразумелі таго, наколькі гэта сур'ёзны матч. Таму вынік справядлівы: магіляўчане былі мацнейшыя за нас. Адзіны пазітыўны момент - гульня ў варотах Ланіна. Саша адчуў упэўненнасць і гэта ня можа ня радаваць.
Супраць СКА ставім сабе мэту добра згуляць у абароне. У сувязі з нашымі кадравымі праблемамі трэба найбольш эфектыўна выкарастаць тых гульцоў, якія ў нас ёсць.
Кароткія звесткі
Месца ў чэмпіянаце Беларусі 2016/17: 2.
Перамогі ў чэмпіянаце Беларусі: 10 (1993, 1994, 1995, 1996, 1997, 1998, 1999, 2000, 2001, 2002).
Прыйшлі ў каманду: Аляксей Ушал (Гомель), Уладзіслаў Данцоў (Матор, Украіна, арэнда), Артур Рудзь, Аляксандр Сотнік, Арцём Рабушка, Уладзіслаў Крывенка, Ягор Зелянко (усе - СКА-РДВАР)
Сышлі з каманды: Вадзім Гайдучэнка (Дынама Бухарэст, Румынія), Артур Карвацкі (Балатонфюрэд, Венгрыя), Аляксей Шынкель (Матор, Украіна), Дзяніс Крыцкі (Каліш, Польшча), Александр Пацыкайлік.
Трэнер: Ігар Папруга.