Былы трэнер «Мінска» выйграў першы медаль на новым месцы – і назваў Расію «нашай краінай» (сам нарадзіўся ў Чарнігаве)
А яшчэ амаль расплакаўся ў распранальні.
17 сакавіка ў Екацярынбурзе стаў вядомы ўладальнік Кубка Расіі па баскетболе. Ім стаў піцерскі «Зеніт», які перамог у фінале «Ніжні Ноўгарад». А вось бронза дасталася гаспадарам турніру «Уралмашу», якія ў матчы за трэцяе месца абгулялі МБА 82:70. Варта адзначыць, што два наймацнейшыя клубы Расіі – ЦСКА і УНІКС – у турніры пад эгідай расійскай федэрацыі баскетбола ўдзел не бяруць – праз ліміт на легіянераў і ўзнос у памеры 22 тысяч долараў яны лічаць гэта немэтазгодным.
Для беларускага трэнера Расціслава Вергуна гэта быў дэбютны Фінал чатырох Кубку і першая ўзнагарода пасля сыходу з «Мінска». У сваім пасляматчавым каментары ён адзначыў, што трэцяе месца пры такой падтрымцы і атмасферы, як на арэне ў Екацярынбурзе, – гэта «каласальнае свята».
«Я шмат чаго бачыў і магу сказаць, што ўбачыць у нашай краіне такое свята баскетбола – гэта заўсёды мурашкі па скуры. І я вельмі рады, што мы аказаліся не крайнімі на гэтым свяце, асабліва ў сябе дома!»
41-гадовы спецыяліст, які нарадзіўся ва ўкраінскім Чарнігаве, не бянтэжыцца называць «нашай» краіну, якая бамбіць горад, у якім ён з'явіўся на свет і правёў першыя гады жыцця.
Пасля гульні Вяргун адправіўся ў распранальню, дзе пачаў дзякаваць камандзе і клубу, ды так старанна, што амаль расплакаўся.
У Адзінай Лізе ВТБ «Уралмаш» разам з «Самарай» ідуць у лідарах у групе-аўтсайдэраў. Наступную гульню падапечныя Расціслава Вяргуна правядуць з казахстанскай «Астаной»
