Драгун на фінале ЛЧ: не саромеўся быць глорам, з дзяцінства за Холанда, цешыўся перамогай «Сіці»
Галоўны матч чэрвеня вачыма Станіслава.
Былы футбаліст зборнай Беларусі Станіслаў Драгун, які зусім нядаўна скончыў кар'еру, наведаў фінал Лігі чэмпіёнаў у Стамбуле. На сваёй старонцы ў Instagram беларус падзяліўся фотаздымкамі і відэа з гэтага самага фіналу.
Напярэдадні матча Драгун падзяліўся фатаграфіяй са Стамбула ў форме «Манчэстэр Сіці».
«Людзі скажуць, што глор, а я з дзяцінства за Холанда», – так Стас падпісаў гэтае фота.
Драгун папрысутнічаў і на самім матчы. Спачатку футбаліст паказаў атмасферу на стамбульскім стадыёне непасрэдна перад пачаткам фіналу.
Наступным відэа Станислаў зафіксаваў выхад гульцоў «МС» на перадгульнявую размінку. Асаблівую ўвагу беларус удзяліў, вядома ж, Холанду.
Пасля Cтас падзяліўся выступленнем артыстаў перад пачаткам матча. І нават паспеў пажартаваць: «Ай, прыгажосць на «Гарадскім» у Барысаве».
Далей былі вынас кубка ЛЧ і выхад каманд на поле.
Ну і завяршыўся відэачасопіс былога гульца зборнай Беларусі ўзняццем кубка ЛЧ гульцамі «МС».
Нагадаем, што «Манчэстэр Сіці» атрымаў перамогу над «Інтэрам» у фінале Лігі чэмпіёнаў – 1:0. Для «гараджан» гэта першы ў гісторыі трафей ЛЧ.
